«REGES SEMENT» MMC 12 aprel 2012-ci ildə fəaliyyətə başlamışdır. Naxçıvan Muxtar Respublikasının Kəngərli rayonunun Böyükdüz ərazisində fəaliyyət göstərən zavodun əsas iqtisadi fəaliyyəti sement istehsalıdır. Digər istehsalat sahələrinə köməkçi materiallar anbarı, qablaşdırma sahəsi, laboratoriya, generator sahəsi və digər yardımçı sahələri daxildir. Şirkətin əsas məqsədi inkişaf və müştəri yönümlü, ekoloji baxımdan təmiz keyfiyyətli malların istehsalıdır. CE, TSE və Azs keyfiyyət nişanlı avropa və yerli standartlara uyğun sement istehsalı həyata keçirilir. Məhsullar topdan və pərakəndə formada yerli bazarda satışa çıxır. Sement Zavodunun istehsalat poresesi 5 bölmədən: Qırma və Daşıma , Xammal Üyütmə, Bişirmə və Klinker Üyütmə Bölməsindən ibarətdir.

Zavodun istehsal gücü ildə 400000 ton sement (CEM II/A-LL 32,5R, CEM II/A-LL 42,5R) istehsalı təşkil edir.

Təkmil imkanlarımız və davamlı təkmilləşdirmə prosesləri sayəsində biz müştərilərimizə sabit və etibarlı sement tədarükünü təmin edirik. Öncəliyimiz sement sənayesində davamlı innovasiya və inkişafı təşviq etmək və ekoloji dayanıqlığa üstünlük verərək sektorda qabaqcıl olmaqdır.

Biz əməkdaşlıq edərək müştərilərimizə dəyər qatmağı və sənayedəki yerimizi gücləndirməyi hədəfləyirik. Müasir texnologiya və təcrübəli kadrlarla təchiz olunmuş zavodumuz yüksək keyfiyyətli sement istehsalında lider mövqeyə malikdir. "REGES SEMENT" MMC ekoloji cəhətdən təmiz istehsal üsullarını mənimsəyən, daim ətraf mühitə təsiri minimuma endirməyə və davamlılıq prinsipini dəstəkləməyə çalışır. Biz tullantıların idarə edilməsi, enerji səmərəliliyi və təbii resurslardan İstifadə üzərində ciddi işləyirik.